我見好耐冇包餃子，
今日即刻買齊材料包咗52隻餃子嚟食，
咁啱細仔今日WFH，
佢有口福啦!
食剩咗嘅餃子放凍箱，
隨時都有得食喇!
材料: 梅頭豬肉碎1斤、韭菜$3.5、雞蛋3隻、蒜蓉適量、
滾油適量、餃子皮$20
調味: 豉油1湯匙、蠔油1湯匙、鹽1茶匙、糖1茶匙、生粉1茶匙、
麻油少許、胡椒粉
做法: 將豬肉碎放入大碗內，加入調味、水2湯匙，
攪至豬肉餡料起膠後，放入雪櫃雪1小時；
韭菜洗淨去頭切碎；將雞蛋3隻落少許鹽打散後，炒散後剁碎；
從雪櫃取出豬肉餡，加入韭菜、雞蛋碎和蒜蓉，
贊滾油係蒜蓉和韭菜面，就可以用嚟包餃子架啦!
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!