今次買咗西蘭花苗嚟炒，
我個人覺得西蘭花苗比較爽口，
加埋XO醬蝦仁，
呢個餸好惹味呀!
材料: 西蘭花苗半斤、急凍蝦仁12~14隻、蒜蓉
醃料: 鹽、胡椒粉、麻油各小許
調味: XO醬1湯匙、蠔油1茶匙、豉油半茶匙、糖1茶匙、生粉、
麻油少許、水2湯匙
做法: 將蝦仁解凍用廚紙索乾水份，落醃料醃15分鐘；
西蘭花切件後浸鹽水；燒熱水加少許鹽灼西蘭花至斷生後盛起；
燒熱油鑊落蝦仁煎兩面至轉色後，蒜蓉和西蘭花快炒，
落XO醬和調味煮至汁濃便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!