3月8日星期一
今日我和老公，
約埋大伯大伯娘和姑奶，
一行5人返惠州；
落車後即刻去隔離飯店食午飯。
食飽飽行返屋企8分鐘左右，
放低行李就去walmart買水果，
之後緊係要打牌啦!
熱鬧熱鬧旺下間新屋嘛!
打到差不多7點就落街食晚餐，
今餐主要食砂鍋粥~鮮蝦排骨砂鍋粥，
好多料又惹味，
唔錯架!
呢餐食咗￥317。
3月10日星期二
老公揀咗套戲睇兼等外賣早餐，
點知外賣早餐送少咗一份過嚟，
咁啱姑奶話帶我哋去飲茶，
大伯和老公去飲茶，
我和大伯娘就留係屋企休息，
等佢哋返嚟又開枱喇!
午餐叫咗燉湯套餐，
3份燉湯餐￥109.4，
燉湯味道唔錯，
應該有下次。
打牌打到4點半左右，
我哋就分兩架車去水東街遊覽下；
大伯大伯娘第一次嚟，
影咗唔少靚相呀!
晚餐食椰子雞煲，
湯底係純椰青水，
我哋叫咗個4人套餐￥288，
生蠔改肥牛，
差價補送多一碟娃娃菜，
我哋再加￥28加椰青湯底，
個湯真係好清甜架!
3月11日星期三
今朝太陽出來了，
好靚呀!
我哋食埋早餐後就返香港喇!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!