帶母親大人返惠州

3月2日星期一

今日我自己帶母親大人返惠州，

我係上水火車站新開張嘅紅茶食早餐，

順便等母親大人過嚟集合呀!

返到惠州屋企放低行李，

我哋就去對面商場搵食喇!

綠茶餐廳，

香港都有開架!

呢度食咗￥119，

母親大人話如果係香港食，

呢度大約$300左右啦！

之後我帶母親大人行新街市，

母親大人話呢度又大又乾淨，

仲好多嘢賣添呀!

生果買咗￥17，

母親大人洗個頭￥30。

黃昏時候惠州就落起大雨，

天雨路滑唔方便帶母親大人周圍走，

所以就叫外賣做晚餐，

母親大人話要食粥，

呢餐粥啱哂佢口味，

母親大人話日日食都願意喎!

3月3日星期二

噚晚落大雨，

今朝天氣就麻麻哋，

同母親大人落街食早餐，

雞蛋腸粉￥5、雞蛋肉碎蒸米粉￥6和豆漿￥1，

總共食咗￥12；

休息一陣就去惠州西湖賞花燈。

午餐就係西湖附近小店食嘢，

咸雞飯、釀豆腐和雲吞；

之後去步行街買手信~梅菜，

母親大人買咗好多梅菜和冬菇，

我就買咗少少梅菜和柿餅。

晚餐就去附近商場食西餐，

肉醬意粉、肉鬆薄餅和黑椒雞扒拼豬扒，

呢餐食咗￥67，

好抵食架!

3月3日星期三

我哋噚日係walmart沃爾瑪買咗個芝士蛋糕，

一半做咗宵夜，

一半留嚟今朝做早餐，

沖埋杯咖啡，

好滿足呀!

睇咗套母親大人想睇好耐嘅戲，

睇完就準備執行李，

食埋午餐就返香港喇!

    

 

大家可以入嚟Facebook讚下我新開嘅Fans專頁呀! 雀后(添飯)Facebook Fan Page