今餐食得健康D，
整咗雜菌炆排骨，
用咗鮮冬菇、雞髀菇、秀真菇和白蘑菇，
加埋雲耳和甘筍絲一齊煮，
齋炒菇菇都好好食架!
材料: 腩排$55、鮮冬菇、秀真菇、白蘑菇、雞髀菇、甘筍1條、
雲耳、薑2片、蒜蓉、紹酒適量
醃料: 豉油1湯匙、鹽1茶匙、糖1茶匙、生粉1茶匙
調味: 蠔油1湯匙、老抽適量、豉油少許、糖1茶匙、水1碗
做法: 腩排洗淨後，用廚紙索乾水份後，落醃料醃30分鐘；
雜菌用濕毛巾抹菇身污物後切大片；甘筍去皮切絲；雲耳浸軟；
燒熱油鑊落薑2片和排骨略煎兩面後贊紹酒，加入調味炆煮30分鐘；
燒熱鑊落少少油，落雜菌和蒜蓉炒至軟身後，
加入排骨、雲耳和甘筍絲，炆至汁濃後，
按個人口味落鹽調味和生粉水埋芡汁便成。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!