自從腰傷舊患發作之後，
我都唔敢拎重嘢，
所以今次包糭，
我分咗4次買材料呀!
今次包咗24隻有咸蛋黃嘅客家咸肉糭，
小魔怪唔鐘意食咸蛋黃，
我就包咗15隻小型糭(冇咸蛋黃)呀!
材料: 糯米3.5斤、開邊綠豆3斤、咸蛋黃24隻、糭葉半斤、草1扎、
蝦米3兩、上肉1斤、乾蔥頭4個
醃料: 豉油1.5湯匙、五香粉適量、糖2茶匙、紹酒1湯匙、
鹽1茶匙、老抽少許
做法: 豬腩肉去皮後切塊狀落醃料醃一陣；將乾蔥頭切絲，
落油爆香乾蔥蓉後，加蝦米、豬腩肉和2碗浸蝦米水，
略煮豬腩肉至收汁盛起待涼，放入雪櫃雪1晚；
糯米和綠豆洗淨後起碼浸6個鐘，倒去多餘水份，
糯米和綠豆各要加1.5湯匙鹽和2湯匙油撈勻；
然後烚糭葉和草；準備好哂所有材料，就可以包糭啦!
每轉烚糭大約1.5小時，小糭烚1小時。
大家可以入嚟Facebook讚下我新開嘅Fans專頁呀!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!