今日用埋另外2條支竹炆牛腩，
我最鐘意呢個餸多汁，
因為黃豆醬汁撈飯真係一流架!
材料: 牛肋條1磅、乾支竹2條、薑10片、紹酒2湯匙
調味: 黃豆醬2湯匙、蠔油半湯匙、豉油半湯匙、老抽少許、冰糖粒適量
做法: 牛肋條解凍後，放入鍋內加水、薑4片和紹酒1湯匙出水，
倒出牛肋條沖水切粒備用；支竹浸軟剪段；
燒熱油鑊加入牛肋條和薑6片爆香，贊紹酒1湯匙快手炒勻，
落調味和水蓋過牛腩面後，煮滾後轉小火慢慢炆1小時15分鐘，
熄火唔好開蓋焗1小時；食前加入支竹炆多15分鐘左右，
落少許生粉水埋芡汁便成。
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!