今日冇買餸，
摷到雪櫃有2塊雞扒，
即刻解凍醃咗佢，
整咗呢碟皮脆肉嫩嘅香煎雞扒喇!
今次煎呢塊雞扒有少少巧妙，
我將雞扒肉較厚嘅位置片咗出嚟，
咁塊雞扒表面平滑咗，
煎出嚟就平均易熟架啦!
片起咗嘅雞肉，
又可以煮另一個餸呀!
材料: 雞扒2塊、蒜蓉、薑蓉
醃料: 鹽1.5茶匙、黑椒碎適量
做法: 雞扒解凍後用廚紙索乾水份，
用刀把雞扒厚肉位置片出雞肉(雞肉可煮另一個餸)；
落醃料、蒜蓉和薑蓉醃半日；從雪櫃取出雞扒放室溫1小時；
燒熱鑊不需落油，用中火先煎有皮雞扒(需要加鑊蓋)，
待雞扒出油後，反轉煎另一面(需要加鑊蓋)，
再反轉多幾次煎雞扒兩面，最後煎多次雞扒皮，
咁塊雞皮就更加脆口啦!
~記得煎雞扒前要先抹去蒜蓉和薑蓉，因為蒜蓉和薑蓉好易燶，
燶就有苦味架啦!
沒有留言 :
張貼留言
如果大家覺得我煮嘅餸菜啱哂口味嘅話，不妨留個言，鼓勵下我啦!