惠州3日兩夜

8月3日星期一

今日我、老公和姑奶3個人係蓮塘口岸食早餐後，

就返咗惠州，

中午約咗親戚一行7人，

齊齊去我家附近老牌酒樓飲茶，

堂妹買咗團購卷108套餐，

我哋叫多籠蝦餃，

呢餐食咗￥141，

超抵食呀!

晚餐又係去呢間大排檔食嘢，

叫咗個鮮蝦排骨粥￥120，

呢鍋粥好鮮味，

我哋都食過好幾次，

次次都有呢個水準呀!

今餐老板娘有優惠，

原本埋單￥382，

老板娘見我哋成日嚟幫襯，

所以依家俾￥368。

8月4日星期二

今朝同老公去探店，

老公睇短視頻見到呢間粉麵好多人話好食，

所以帶咗我哋食早餐，

肉丸牛腩粉和小腸豬腳粉，

加多一支維他奶，

總共￥33.5，

釀豬皮好爽口，

小腸夠粉糯又冇異味，

真係幾好食，

可惜湯底咸咗少少，

如果淡番少少就very good喇!

不過有機會我哋都會再過嚟食呀!

堂弟堂弟婦搬咗屋，

我哋去探完佢後，

 

佢請我哋食早午飯，

食客家菜呀!

12個人叫咗9餸1湯1饅頭，

呢餐承惠￥548。

返到屋企4個人有咩做，

緊係打牌啦!

打到夜晚唔想出街食飯，

叫外賣食完又再開枱。

8月5日星期三

老公噚晚個胃好唔適服，

雖然食咗藥，

但成晚都冇咩點瞓，

差不多天光先瞓得著呀!

叫外賣粥俾佢做早餐，

等佢食清少少。

中午搭永東巴士去蓮塘口岸，

換咗架新車冷氣夠又乾淨，

而且每個座位都有充電裝置，

真係抵讚呀!

係蓮塘食埋午餐就返屋企啦!

買咗少少嘢食做早餐，

仲有包饅頭粉係堂弟婦買俾我，

叫我整饅頭俾老公食喎!