XO醬西蘭花炒蝦仁

今朝一早出咗去染頭髮，

都冇去街市買餸，

返到屋企就摷下雪櫃睇下有咩材料就煮咩囉!

簡簡單單炒咗碟XO醬西蘭花炒蝦仁，

加埋昨晚嘅牛肚，

咁又一餐囉!

材料: 西蘭花1個、鳳尾蝦仁、蒜蓉、紹酒

調味: XO醬1湯匙、蠔油1.5茶匙、豉油1茶匙、糖1茶匙、生粉、

麻油少許、水2湯匙

醃料: 鹽、胡椒粉、麻油

做法: 將蝦仁解凍用廚紙索乾水份，落醃料醃15分鐘；

西蘭花切件後浸鹽水；燒熱水加少許鹽灼西蘭花至熟後盛起；

燒熱油鑊落蝦仁煎兩面至轉色後盛起；原鑊落少許油加蒜蓉和西蘭花快炒，

贊少許紹酒後，落蝦仁、XO醬和調味煮至汁濃便成。

(同場加影~今次染到五顏六色)

 

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page