涼瓜咸菜黃豆排骨湯

今日靚湯~涼瓜咸菜黃豆排骨湯，

有清熱解毒、健脾、防熱痱濕疹等功效，

常飲嘅話應該可以同暗瘡講Bye Bye啦!

不過胃寒嘅朋友就唔好飲咁多啦!

材料: 涼瓜2條、咸菜1包、黃豆$3、排骨1斤、薑3片

做法: 涼瓜去核和白色囊後切件；咸菜浸20~30分鐘後切件；

黃豆浸2小時；凍水落排骨煮滾後熄火，用水沖洗乾淨備用；

燒熱10碗水，加入黃豆、排骨和薑片煲至翻滾後，轉小火煲45分鐘，

加入涼瓜和咸菜煲多45分鐘，按個人口味加鹽調味便成。

~其實落咗咸菜個湯已經好夠味，所以可以唔使落鹽都得呀!

~盡量刮去苦瓜內嘅白囊，咁煲出嚟個湯就冇咁甘苦架啦!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page