日式薯仔沙律

呢幾日廿幾三十度，

熱熱熱爆呀!

又係時候食涼拌菜喇!

今日整咗呢個日式薯仔沙律，

簡單易做又好味道架!

材料:小型薯仔7個、小青瓜1條、罐頭粟米粒半碗、甘筍1/4個、雞蛋2隻

調味: 鹽、黑胡椒碎、沙律醬

做法: 小青瓜切片後加少許鹽撈勻，靜待15分鐘後，用廚紙包好扭乾水份；

將雞蛋、薯仔和甘筍放入鍋內加水煮滾；甘筍煮8分鐘後撈起切粒；

雞蛋烚15分鐘後撈起浸水去殼；薯仔烚30分鐘後撈起去皮；

罐頭粟米粒放入碗內蒸5分鐘；

將薯仔、雞蛋略壓碎，襯熱落鹽和黑胡椒粒撈勻，

加埋粟米粒、青瓜片、甘筍粒和沙律醬撈勻，放入雪櫃雪1~2小時便成。

~材料方面，可按個人口味加洋蔥、火腿粒、煙肉等等都可以呀!

~薯仔唔需要壓成薯蓉，食時有薯仔粒粒，有咬口，口感更佳啊!

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page