成日有人問，
雞腳和鳳爪有咩分別，
雞腳有長柄連骨的，
多數用嚟煲湯和炆都得；
而鳳爪比較短少剩腳掌和4隻爪，
用嚟炆鮑汁花生鳳爪就最正喇!
調味: 鮑魚汁3湯匙、蠔油2湯匙、豉油1湯匙、老抽2.5湯匙、冰糖1湯匙
做法: 燒熱水，落鳳爪、2片薑和紹酒1湯匙，
先出水5分鐘，用水沖洗乾淨後剪甲備用；
花生用水浸1小時後撈起；燒熱3碗水，落花生煲滾後，轉小火炆1小時；
撈起煲好花生，放入另一個鍋內，加2片薑、調味和5碗水煮滾，
用小火炆30分鐘後，開中火落埋鳳爪煮滾後，
再轉番最小火慢慢煮1小時左右(全程微滾狀態)，
按個人口味落鹽調味後，加少少生粉水埋芡汁，
熄火後唔好開蓋繼續焗半小時以上便成。
~煲鳳爪時，只要用小火慢慢炆煮，咁鳳爪就唔會甩哂D皮架啦!
~炆鳳爪期間可以打開少少蓋，等烹調溫度唔使太高呀!
~想食腍身嘅鳳爪，可以預早炆定隔日食就更入味喇!
大家可以入嚟Facebook讚下我新開嘅Fans專頁呀!
我以往雞腳和鳳爪係一樣，英國無見有長柄的賣。
回覆刪除外國人唔係咁食鐘意食雞腳和雞翼尖架!
刪除