2019澳門之旅(3日2夜)~第二日

4月20日(星期六)

今朝早天色已經麻麻哋，

我哋襯仲未落出雨，

就開始今日嘅行程喇!

原本諗住搭巴士去新馬路陶陶居飲茶，

去到點知冇位，

唯有過隔離麒麟閣飲茶喇!

食飽飽，

周圍閒逛影相，

行下教堂、劇院咁啦!

行行下見到有炸雞食，

大家又忍唔到口，

又開餐啦喂!

行到議事亭前地，

緊係要影相打咭啦!

呢日大三巴人山人海，

想行快D都唔得呀!

可能個天開始想落雨，

悶悶熱熱又冇風，

入去Pacific coffee飲杯果汁和咖啡嘆下冷氣先得，

順便安排母親大人搵個位坐定定(老人家唔行得耐)，

等我哋繼續行博物館啦!

澳門博物館逢假日免費開放，

又慳咗啦!

原來參觀博物館期間，

外面落緊大雷雨，

而老公更whatsapp我，

香港正紅色暴雨添呀!

我哋從博物館出嚟，

行過大三巴手信街，

一路行一路試食，

買手信緊係唔少得啦!

鉅記葡撻麻麻哋好食，

義順雙皮奶好貴，

但紅豆涼粉好食，

食飽後返酒店休息下喇!

夜晚又嚟新馬路附近食葡國菜，

已經電話訂位，

唔使等就有位坐啦!

小魔怪識飲識食，

話食葡國菜點可以唔飲紅酒呢!

一支唔夠喉，

開多一支就啱啱好喇!

哈，

今朝先嚟過議事亭前地&大三巴，

夜晚開哂燈嘅景色，

迷人好多呀!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page