前日買咗個有泥嘅蓮藕用嚟煲湯，
睇落去好污漕，
但呢個蓮藕好粉兼有蓮藕絲，
用嚟煲湯就最啱啦!
材料: 蓮藕1節、豬腱$40、鱆魚1隻、綠豆2把(手抓)、馬蹄15粒、
蜜棗4粒和果皮一塊
做法: 豬腱出水備用；果皮浸軟去囊備用；馬蹄去皮；
蓮藕去皮，將綠豆塞入蓮藕孔內(8成滿好啦，唔係好易爆架)；
用熱滾水烚烚牙籤後，把蓮藕口封好；鱆魚乾和蜜棗略清洗；
將10碗凍水和果皮放入鍋內煮滾，加其實材料煲3小時，
最後加鹽調味便成。
P.S.
~果皮一定要凍水落，唔係煲湯會有苦味；
~蓮藕和綠豆係絕配，一熱一涼，中和咗個湯冇咁燥熱；
~綠豆塞入蓮藕中間D窿窿度，個湯會清好多，而且唔會有綠豆殼浮面添!
大家可以入嚟Facebook讚下我新開嘅Fans專頁呀!
有泥先好呀，煲綠豆好夾。
回覆刪除所以揀呢種蓮藕煲湯就最啱啦!
刪除有泥的蓮藕先係好野，蓮藕配綠豆超正，我鐘意加埋栗子一齊煲，味道仲濃d
回覆刪除加埋栗子，個湯一定好甜呀!
刪除我都會買有泥的蓮藕，雖然英國無。 白色的用藥水浸過我唔敢食。
回覆刪除自從妳話我知英置蓮藕唔好食，我話俾亞仔知之後，佢都冇買嚟食，因為都唔平，佢唔捨得買嚟食!
刪除我鍾意用有泥個D蓮藕架
回覆刪除用有泥蓮藕煲湯特別好飲架!
刪除