手剁~冬菇土魷蒸肉餅

平時懶，

我都好少會自己剁豬肉，

但今日呢個冬菇土魷蒸肉餅就唔同喇，

因為係我親手剁嘅，

真係要好好品嚐先得啦!

材料: 梅頭豬肉$30、魷魚乾4隻(細)、冬菇7隻

醃料: 豉油1.5湯匙、鹽少許、糖1茶匙、生粉1茶匙、麻油少許、水2湯匙

做法: 魷魚乾和冬菇浸軟後切粒備用；

梅頭豬肉洗淨切片再切粒後剁成肉餅；

將冬菇魷魚和剁好的豬肉餅內，用醃料醃2小時；

燒熱水放入肉餅用大火蒸15分鐘便成。

~今次問咗肉檔攞咗少少肥肉加落豬肉度一齊剁，肉餅食落滑D架!

~可以加幾粒馬蹄增加爽口感覺。

~肉餅汁係精華，千祈唔好倒掉，只要蒸好肉餅待一陣，

肉餅係會吸收番自己的肉汁架!

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page