2016中國雲南、昆明、大理、麗江、玉龍雪山~第二天

12月23日星期五

今日食過早餐後，

就到酒店旁的花卉博覽中心，

欣賞花卉展!

 

賞花後，

我哋就由昆明去大理喇!

途中去咗西山風景區~龍門!

呢個係我哋3個自費活動其中之一。

 咪話喎，

坐上呢個索道都幾驚，

尤其對中國大陸嘅安全措施有少少擔心囉!

話時話，

行呢個龍門又係辛苦旅程，

又係要上上落落樓梯，

真係行到母親大人死死下呀!

呢幾日嘅午餐和晚餐，

有啤酒汽水供應外，

餐餐都係菜多個肉，

飯一日硬過一日。

偏遠山區嘛，

係咁架喇!

 到咗大理都已經成7點幾，

返酒店放底行理後，

就係酒店餐廳食晚飯，

飯後就到大理古城行下。

 行完大理古城，

我哋走咗去酒店附近食宵夜，

地道燒烤，

好味道呀!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page