南瓜粟米紅蘿蔔雞腳排骨湯

話時話，

我都好耐冇煲老火湯啦!

見噚日行山行到我腳仔軟，

今日即刻買D雞腳返嚟煲個湯補一補對腳先得!

南瓜粟米紅蘿蔔雞腳排骨湯，

清甜好飲，

正呀!

材料: 南瓜半個、粟米1條、紅蘿蔔(有泥)1個、雞腳15隻、

排骨頭$50、蜜棗3粒、陳皮半個

做法: 排骨和雞腳出水後，雞腳去甲，沖乾淨水盛起；

南瓜、紅蘿蔔和粟米去皮切件；陳皮浸軟去囊；

將凍水10碗和陳皮先放入煲內煲滾，加入其餘材料煲至翻滾後，

轉小火慢慢煲2.5小時，最後落鹽調味便成。

~煲2.5小時嘅話南瓜會溶哂係D湯度架!如果想食到南瓜嘅話，

記得留起部份南瓜，等到最後半小時先落，咁就會食到南瓜架啦!

~記得凍水落陳皮，唔係煲湯會有苦味架!

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page