香煎客家五香咸肉

星期日醃定咗D客家五香咸肉，

噚晚急不及待就煎嚟食啦!

其實如果醃多一兩日應該仲入味，

之不過為食冇計啦!

材料: 五花腩肉半磅、米酒1湯匙、蒜蓉半湯匙

醃料: 鹽半湯匙、五香粉半湯匙、花椒碎1茶匙、糖1.5茶匙、黑胡椒碎適量

做法: 五花腩肉不要用水清洗，加入米酒1湯匙浸泡15分鐘後，

倒去多餘米酒，落醃料和蒜蓉搽勻腩肉上，蓋上保鮮紙放入雪櫃雪2~3日；

從雪櫃取出腩肉，放室溫靜待1小時，將腩肉上醃料用水沖洗乾淨，

用廚紙索乾腩肉上嘅水份；燒熱鑊落少許油，

放入腩肉煎香一面，加鑊蓋用煎焗方法煎至腩肉焦香後，

反轉腩肉同樣以煎焗方法煎至另一面腩肉熟後(需要重覆以上動作2~3次)，

待涼切片就食得啦!

~五花腩肉不需要用水清洗，因為用水洗過嘅肉好難保存得耐架!

~客家咸肉越醃得耐越入味架!

~煎呢個五香咸肉時，記得留意煎豬皮部份時，D豬皮係會爆架，

所以記得煎豬皮時必需蓋上鑊蓋，唔係就會俾D油彈親架啦!

~今次五花腩肉較薄身，所以煎起嚟會易熟D，如果腩肉較厚身嘅話，

可以先煎熟表面，再放入焗爐用180度焗20~25分鐘，

待腩肉中間部份完全熟透為止。

~想知腩肉熟透未，可用叉叉下舊腩肉，如拮得入又冇出血水，

咁即係舊腩肉就熟架啦!

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page