咸魚雞粒豆腐煲

2個人食咩好???

整咸魚雞粒豆腐煲就最好喇!

有肉有魚有菜有豆腐，

仲夠哂惹味添!

唔講咁多，

開飯啦喂!

材料: 雞扒1塊、梅香咸魚1/4件、雲耳適量、小棠菜適量、有機滑豆腐1盒、

薑蓉、蒜蓉、生粉(水)少許、麻油少許

醃料: 豉油1茶匙、糖1茶匙、生粉半茶匙、麻油少許

調味: 蠔油1湯匙、豉油半湯匙、老抽少許、糖1茶匙、水大半碗

做法: 雞扒去皮切粒，落醃料醃30分鐘；咸魚拆肉切粒；

雲耳浸軟；滑豆腐切粒；小棠菜灼熟備用；

燒熱鑊落油爆香薑蓉、蒜蓉和咸魚粒，加雞粒和雲耳煮至8~9成熟後，

落豆腐粒和調味煮至翻滾後，落生粉水埋芡汁，

將妁好的小棠菜圍在旁邊便成。

  

大家可以入嚟Facebook讚下我新開嘅Fans專頁呀!

雀后(添飯)Facebook Fan Page