冬菇蠔豉花生炆豬手

今日去超市買豬肉，

見亞姐整理緊隻靚靚豬手，

一隻要$60，

都唔知貴唔貴囉!

亞姐幫我斬完隻豬手後，

睇落好似唔夠食咁喎，

還掂都係炆，

一於買多隻豬腳，

炆咗一大煲冬菇蠔豉花生炆豬手喇!

哈，

呢個餸係咪好似過年餸呢!

材料: 豬手1隻、豬腳1隻、冬菇15隻、蠔豉15隻、薑8片、紹酒2湯匙

調味: 蠔油2湯匙、豉油2湯匙、老抽2湯匙、冰糖適量

做法: 冬菇和蠔豉浸軟備用；豬手豬腳洗淨後，將豬手豬腳放入鑊，

加入薑4片、紹酒1湯匙和凍水煮滾出水10分鐘，

取出豬手豬腳沖洗乾淨，去雜毛備用；

花生浸30分鐘後，放入煲內加花生和3碗水，煮滾後轉小火炆煮45分鐘；

凍鍋落油燒熱後落薑4片煎香，加入豬手豬腳略煎兩面後贊酒，

將花生撈起(炆花生水留用)加入豬手內，

落冬菇、調味和4碗水(包括炆花生水，唔夠就加水)，

水滾後轉小火炆1小時後，加入蠔豉炆多1小時便成。

~炆豬手時要留意有冇乾水，如乾水嘅話就要加熱水喇!

~想食淋豬手嘅話，炆嘅時間可能要耐少少，水份就要加多少少呀!

     

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page