今日去街市買咗包墨魚膠(4兩$20)，
攞起上手輕飄飄，
即刻返轉頭再買多1包，
加咗2粒馬蹄和1/4條新鮮粟米(烚熟拆粒)，
咁就做咗呢碟彈牙又爽口嘅粟米馬蹄墨魚餅喇!
材料: 墨魚膠半斤多少少、新鮮粟米1/4條、馬蹄2粒、蔥粒適量
做法: 新鮮粟米烚熟拆粒待涼備用；馬蹄去皮切碎；
將現成墨魚膠放入大碗內，加入粟米粒、馬蹄碎和蔥粒攪勻，
放雪櫃雪1小時；取出墨魚膠，係手心加少少水(免黐手)，將墨魚膠搓成餅；
凍鑊落油燒熱，放入墨魚餅煎至金黃色後，
反轉煎另一面時，用鑊鏟輕壓扁墨魚膠，煎至金黃色便成。
~由於魚檔買嘅墨魚膠已經調好味道，所以係唔使再加調味料呀!
~唔用新鮮粟米粒，可以落罐頭粟米粒都可以；
~煎粟米餅全程用中小火慢慢煎，太大火易燶兼唔熟；
~食時可點魚露或泰式雞醬一齊食架!
做法: 新鮮粟米烚熟拆粒待涼備用；馬蹄去皮切碎；
將現成墨魚膠放入大碗內，加入粟米粒、馬蹄碎和蔥粒攪勻，
放雪櫃雪1小時；取出墨魚膠，係手心加少少水(免黐手)，將墨魚膠搓成餅；
凍鑊落油燒熱，放入墨魚餅煎至金黃色後，
反轉煎另一面時，用鑊鏟輕壓扁墨魚膠，煎至金黃色便成。
~由於魚檔買嘅墨魚膠已經調好味道，所以係唔使再加調味料呀!
~唔用新鮮粟米粒，可以落罐頭粟米粒都可以；
~煎粟米餅全程用中小火慢慢煎，太大火易燶兼唔熟；
~食時可點魚露或泰式雞醬一齊食架!
yummy
回覆刪除又真係幾好味道架!
刪除整得好靚，好想食添。
回覆刪除你都整嚟食啦!
刪除