冬菇雞粒煲仔飯

今日午餐食冬菇雞粒煲仔飯，

仲用咗全瘦肉嘅雞柳做肉粒，

最鐘意煮有味飯，

簡單又好味道，

一煲過啱哂我呢D懶人啦!

呢餐煮咗2杯米，

俾我同小魔怪兩個人KO哂，

咁食法，

點減肥呀!

材料: 2杯米、雞柳4條、冬菇5隻、蔥粒

醃料: 豉油2茶匙、蠔油2茶匙、糖半茶匙、生粉1茶匙、麻油少許、老抽半茶匙

調味: 煲仔飯豉油、麻油

做法: 洗2杯米後，將米放入易潔鍋內加2杯水(量米杯)，

開中火煲至冒煙或差不多乾水後，將冬菇雞肉粒平均放入鍋內，

轉最細火煲多10分鐘左右，

(期間需要將煲在煮食爐上下左右移動，使飯焦平均分佈。)

灑上蔥粒和調味後熄火焗5分鐘，最後拌勻便成。

~做煲仔飯唔一定用LC、staub呢類煲，

我試過用普通易潔鍋和玫瑰鍋都一樣做到有飯焦嘅煲仔飯呀!

  

大家可以入嚟Facebook讚下我新開嘅Fans專頁呀!

 雀后(添飯)Facebook Fan Page