家鄉煎藕餅

小魔怪真係一個執屋能手，

今日佢唔單只執咗自己房，

仲幫我執埋客廳雜物，

又吸又抹塵，

越執越興奮，

真係好攪笑呀!

本來諗住今晚整個藕餅慰勞下佢，

點知佢約咗朋友食飯，

唯有留番俾我同老公撐枱腳啦!

材料: 蓮藕1節、豬肉碎$15、魚肉$10、雞蛋1隻、蔥粒

調味: 豉油1湯匙、鹽1茶匙、糖1茶匙、生粉1茶匙、麻油、胡椒粉

做法: 蓮藕去皮一半刨絲，一半切粒後放入大碗中，

加入豬肉碎、魚肉、雞蛋和調味攪勻後，撻肉餡30零40下，

放入雪櫃雪1小時左右；取出蓮藕餡後，加入蔥粒拌勻；

燒熱易潔鑊落油，將蓮藕餡用手搓成圓形壓平，

用中火慢慢煎一面金黃色後，先反轉煎另一面，

煎至兩面金黃色或熟透便成。

(沾少少水係手心，咁搓餡料時就唔會黐手架啦!)

(呢個蓮藕餅份量頗多，我分兩餐食呀，但記得煎蓮藕餅前先好撈蔥，

因為撈咗蔥會出水架!)

大家可以入嚟Facebook讚下我新開嘅Fans專頁呀!

  

雀后(添飯)Facebook Fan Page