客家咸香手撕雞

噚日買咗隻雞返屋企，

醃咸佢嚟整客家咸香手撕雞，

究竟客家咸香雞最好食係邊個部位???

靜靜雞話俾大家知，

唔係雞髀雞胸或雞翼，

而係D雞皮呀!

 

材料: 雞1隻

調味: 鹽1.5湯匙、紹酒2茶匙

做法: 雞去內臟及洗淨後，用廚紙索乾水份，加入鹽和紹酒擦勻雞身，

尤其雞髀位置，可以撕起少少雞皮位，擦調味係雞髀位，放雪櫃醃一晚；

從雪櫃取出雞後，將雞上嘅鹽和酒用水沖洗乾淨，先放室溫一小時左右；

放入蒸焗爐用110度蒸30分鐘便成，又或放入熱鑊內蒸雞25分鐘，

唔好開蓋焗多5分鐘便成。

取出雞後先倒出雞汁，放室溫風乾3~4小時，等雞皮收縮；

客家咸香雞可以做手撕雞，或斬件食都得架!

~蒸雞時間視乎雞嘅大小而定，今次買呢隻雞2斤左右，

所以蒸25分鐘得喇!

~醃咸雞唔怕落多少少鹽，因為雞要入味先好食架!

~另外，客家咸香雞點薑蔥蓉或沙薑汁都得架!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page