客家菜~蘿蔔絲蛋角煲

今日整呢個蘿蔔絲蛋角煲，

係客家名菜之一，

每年過年，

家家戶戶都會煮嚟食架!

材料: 蘿蔔1個、豬肉碎$20、雞蛋3隻、清雞湯2碗、水半碗、

薑2片、胡椒粉、蔥粒、麻油少許

醃料: 豉油半湯匙、糖1茶匙、生粉1茶匙、麻油少許、水1湯匙

做法: 豬肉碎落醃料醃1小時；蘿蔔去皮切條；雞蛋落少許鹽發勻；

燒熱油鑊後轉小火落蛋液煎至蛋皮半熟後，

將豬肉碎放入蛋皮中間，用鑊鏟和筷子將蛋皮蓋住豬肉餡，

慢慢煎至蛋角形狀後盛起(豬肉餡唔熟唔緊要架)；

燒熱油鑊落薑片和蘿蔔先炒勻，加入清雞湯、半碗水煮滾後，

落豬肉蛋角和胡椒粉煮10分鐘，落埋蔥粒裝飾，灑幾滴麻油係面便成。

~胡椒粉落多多都唔怕，啖湯會好味D架!

~鐘意食中芹嘅朋友，可以加埋落去架!

 
  

  

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page