揚州炒飯

食剩咗D自製叉燒，

留番嚟炒飯就最啱喇!

加埋蝦仁一齊炒，

一大鍋揚州炒飯出爐喇!

今次用咗一杯半米煮成飯後即炒(冇用冷飯)，

我和老公竟然全部食得哂，

哈哈，

我哋正飯桶嚟架!

材料: 1杯半米(煮熟成飯)、急凍蝦仁180g、叉燒適量、雞蛋2隻、蔥粒

醃料: 鹽半茶匙、胡椒粉少許、麻油少許

做法: 急凍蝦仁解凍後用廚紙索乾水份，落醃料醃15分鐘；

叉燒切粒；燒熱油鑊落蝦仁，煎至蝦仁轉色或熟後上碟；

原鑊落少許油倒入蛋液快手炒散，落飯炒勻後，

盡量將冷飯炒至鬆散後，加鹽和適量豉油調味後，

最後落埋蝦仁、叉燒粒快炒後，最後灑上蔥粒快手炒勻便成。

  

大家可以入嚟Facebook讚下我新開嘅Fans專頁呀!
雀后(添飯)Facebook Fan Page