四寶茶(土伏苓、牛大力、入地老鼠、羅漢果)

今朝經過屋苑商場，

見到有呢呢類一舊舊嘅物體賣，

土伏苓、牛大力我成日都煲，

但入地老鼠(鑽地老鼠)就第一次煲；

本來想買嚟煲湯，

但原來可以加個羅漢果煲水，

咁一於用嚟煲水飲啦!

四寶茶係超級袪濕架!

材料: 土伏苓、牛大力、入地老鼠(2~3人份量)、羅漢果1個

做法: 土伏苓、牛大力和入地老鼠沖沖水，羅漢果破開備用；

燒熱16碗水，加入土伏苓、牛大力、入地老鼠和羅漢果，

水翻滾後轉小火煲4小時，熱飲凍飲都得架!

~記得間中要攪攪煲底，以免黐底呀!

~脾胃虛寒、容易肚瀉和孕婦不宜飲用。

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page