噚日買咗8隻鴨腎，
今日即刻攞4隻嚟煲西洋菜湯，
呢個湯係我和小魔怪至愛湯水之一，
今朝小魔怪都飲咗2碗湯先返廣州做嘢呀!
煲咗一大煲，
留番D明天飲仲正呀!
材料: 西洋菜2斤、甘筍2條、咸鴨腎4個、豬骨$50、蜜棗4粒、
南北杏1湯匙、陳皮2/3個
做法: 西洋菜用鹽水浸15分鐘，洗2次；豬骨出水備用；
咸鴨腎、蜜棗和南北杏清洗備用；果皮浸軟去囊；
將14碗凍水和陳皮先煲滾，把所有材料放入煲內，
用大火煲滾後轉細火，煲至1.5小時後，撈起咸鴨腎切片，
再放入煲內煲多30分鐘，加鹽調味便成。
溫馨提示:
1. 凍水連陳皮一齊煲滾，唔會有苦味；
2. 水滾後加西洋菜亦同樣唔會有苦味；
大家可以入嚟Facebook讚下我新開嘅Fans專頁呀!
用鴨腎煲西洋菜同菜乾都好好味。
回覆刪除用咸鴨腎煲咩湯都咁好飲架!
刪除