韓式泡菜煎餅

屋企有盒泡菜，

用嚟整韓式煎餅就最啱喇!

簡單易整又好味道，

15分鐘內可以趕得切係小魔怪返工前整俾佢食呀!

材料: 泡菜6片、洋蔥半個、麵粉(中筋)4湯匙、烘焙芝麻適量

調味: 鹽1/4茶匙、糖1/4茶匙、水3~4湯匙(粉漿唔可以太浠)、食油幾滴

做法: 泡菜和洋蔥切碎，放入大碗內，加入麵粉和調味攪勻，

灑上適量烘焙芝麻攪勻後，就可以落鑊煎喇!

熱鑊落油，加入泡菜漿煎至一面金黃色後，反轉再煎至另一面轉金黃色，

上碟後再灑少許烘焙芝麻係面便成。

~呢個份量我分4次煎成4份小餅，

又或可一次過放入大易潔鑊內煎成大餅都得；

~食時可以點少連醋伴食架!

~材料方面，可以加埋海鮮落去整泡菜海鮮煎餅呀!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page