回鄉

噚日又係姑奶、老公和我一齊返惠州喇!

惠州舊長途巴士車站原來已經停止服務，

轉咗新嘅惠州市汽車南站，

第一次嚟新巴士總站，

雖然好大，

但唔知點搭車走囉!

好彩有朋友接我哋咋!

食飽飽午餐(193蚊人仔)，

捉咗朋友仔嚟我哋屋企打麻雀；

玩咗一陣又出去弟婦附近新開嘅飯店食晚飯，

食咗350蚊人仔。

至於今朝，

我哋又去咗市場買餸返香港，

買咗樽媽媽做的下飯菜~花生松子辣椒油(11蚊人仔)，

花生松子好脆口，

正呀!

又見到有新鮮炸出嚟嘅隆江肉卷賣，

啱啱炸出嚟非常吸引，

買條返香港都好喎~(7蚊人仔)!

  午餐就去咗弟婦家食飯，

食自家養嘅雞，

農家菜，

好味道呀!

弟婦煮咗2個雞俾我和姑奶每人一隻，

又俾咗一大梳蕉拎返香港，

仲有我哋係市場買嘅嘢，

今次又係拎到手軟呀!

惠州市汽車南站，

購票地方唔算好大，

但車站內等候空間就勁寬敞，

吸煙區係中間通風位置，

唔錯呀!

最最最重要係個廁所冇異味，

格數又多，

光線充足，

比舊車站企理100倍呀!

(可能仲係新嘅緣故啦!)

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page