麻辣口水雞

噚日用嚟拜山隻雞今晚先食，

如果翻蒸隻雞肉會比較"鞋"口，

所以用咗一個好簡單嘅方法，

就係先燒熱水熄火，

將雞放入鑊內焗3~5分鐘，

咁雞肉就唔會咁"鞋"口；

今次將雞肉去埋骨，

淋上自家調製嘅麻辣汁，

美味麻辣口水雞就完成喇!

材料: 雞半隻、炒香花生粒適量、蒜蓉1湯匙、蔥粒適量、滾油適量

麻辣汁做法: 麻辣油半湯匙、香醋1湯匙、豉油1湯匙、糖1茶匙、麻油少許

做法: 將麻辣汁料拌好後，加入蒜蓉和蔥粒，淋上滾油備用；

雞蒸熟拆骨起肉放入碟內，加入炒香花生和淋上麻辣汁便成。

~呢樽麻辣油係佳寶買架，我覺得唔太辣，煮湯粉麵時加少少落去拌食，

好惹味架!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page