今日經過肉檔，
諗住買舊豬肉返屋企蒸嚟食，
亞姐介紹我買呢舊天下第一刀，
嘩，
個名好勁咁喎!
(食後感~正呀!)
材料: 梅頭豬肉$30、粉絲適量、蒜蓉、薑絲、蔥粒
醃料: 蝦醬1湯匙、豉油1茶匙、糖1茶匙、生粉1茶匙、紹酒少許、水2湯匙
做法: 梅頭豬肉洗淨後切薄片，加入醃料醃1小時；粉絲浸軟(可剪段)；
將蝦醬豬肉放在粉絲面，舖上薑絲，放入蒸焗爐用110度蒸20分鐘，
又或放入熱水鑊內用大火蒸15分鐘，最後灑上蔥粒便成。
~天下第一刀嘅豬肉，屬於豬頸椎位，梅頭肉嘅一種，全隻豬得一件，
食落唔太腍，但香滑得嚟好爽口架!
~如果買梅頭豬肉嘅話，帶有少少肥口感更佳；
~留意蝦醬咸度，太咸的話記得要自行調節糖份呀!
~記得從雪櫃取出肉類後，如雞、牛、豬、魚等，需要放室溫先好煮呀!
梗係正啦，我今日睇到流口水呀。
回覆刪除呢個天下第一刀，真係正到爆呀!
刪除