臨近重陽，
襯平日雲泉仙館應該會冇咩人，
所以今日老公、小魔怪和我就齊齊去拜奶奶喇!
由上水出發，
搭79K巴士去雲泉仙館；
去到真係冇咩人，
連後門擺賣嘅攤檔都係開咗一間咋!
好彩我哋都有買到嘢!
拜完奶奶冇係雲泉食齋，
返咗天水圍食小魔怪至愛嘅川菜，
呢間海南小廚重新裝修後，
門面靚咗，
食物品質和價錢都冇變，
食到我哋LamLam脷呀!
雖然開得一檔咋，
但今次收穫都好豐富架!
煲湯料兩包，
芒果乾、鴨腎、膶腸+臘腸、秘製柑桔。
我去雲泉都買到嘢架。
回覆刪除我次次都買到唔停得手呀!
刪除D湯料大包，又平過大埔街市好多。 大埔街市賣細細包，一般要三十幾蚊。
回覆刪除係呀，呢度仲可以講價，本來2包湯料要$50架，依家收我$45咋!
刪除