素食~韓式雜菜炒薯粉絲

呢兩日我都好勤力架!

整咗兩款素菜俾大魔怪食，

噚日煮咗個韓式雜菜炒薯粉絲(素食版)；

咁今日煮咩???

留番明日開估啦!

材料: 韓式薯粉絲300g、菠菜半斤、洋蔥半個、甘筍1條、鮮冬菇6個、

蔥段、雞蛋2隻、蒜蓉1湯匙、麻油、鹽、炒香芝麻

調味: 豉油2湯匙(後加多1湯匙)、老抽半湯匙、糖1.5茶匙、水2湯匙

做法: 雞蛋發勻煎成蛋皮切絲備用；洋蔥和甘筍去皮切絲；鮮冬菇切絲；

燒熱水放入菠菜約45秒後撈起浸凍水，揸乾水份後，落少許麻油拌勻；

原鑊落韓式薯粉絲烚6分鐘至軟身，倒出沖水後用較剪剪斷薯粉絲備用；

燒熱鑊(不需落油)，加鮮冬菇炒至軟身上碟；

原鑊落油，加甘筍絲、洋蔥和蒜蓉炒勻至甘筍軟身，

落埋蔥段和鮮冬菇炒勻後，加少許鹽調味後盛起；

原鑊落韓式薯粉，加入調味炒勻，加入炒好嘅其他材料和蛋絲撈勻，

灑適量麻油和炒香芝麻便成。

~係韓國，呢個韓式雜菜係會加埋牛肉炒架!

~如想食涼拌嘅話，菠菜和韓國薯粉絲浸水時，請用食用清水，

而調味時就唔需要落水喇，將所有材料撈勻就食得啦!

~呢包韓式薯粉絲係百佳超市買架!

~鐘意食濃味少少嘅朋友，可以加少許日式燒汁撈勻佢嚟食都得架!

~如食得清啖嘅朋友，落豉油時可以逐1湯匙咁落，試啱自己口味就夠喇!

  

  

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page