2018年10月2日 星期二

魚露煎雞翼


雪櫃有幾隻大雞翼,

用嚟整開邊魚露雞翼就最啱啦!

小魔怪問點解整咗咁多雞翼???

我話唔多得10隻咋喎!

佢話咁抵食,

以後次次都要咁整雞翼喎!

不過最緊要係要買到大隻雞翼先可以做得囉!








材料: 雞翼10隻、蒜蓉、生粉

醃料: 魚露2湯匙、糖2茶匙、老抽少許、紹酒少許

做法: 雞翼解凍後,用剪刀剪開雞翼,落蒜蓉和醃料醃2小時;

從雪櫃取出雞翼放室溫45分鐘;

燒熱鑊落少許油,逐隻雞翼撲少許生粉,放入鑊中煎至雞翼熟便成。




大家可以入嚟Facebook讚下我新開嘅Fans專頁呀!

2 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!