沙爹薯仔洋蔥炆雞

我買餸最隨意，

見到剩市有咩新鮮和靚嘅材料，

就會買番屋企做餸架喇!

今日見雞靚，

咁就買隻雞返屋企，

最緊要叫亞姐幫我斬埋隻雞，

咁我就慳番一層功夫啦!

材料: 雞1隻、洋蔥半個、薯仔2個、蒜蓉、乾蔥絲、生粉水(需要時落)

醃料: 豉油1湯匙、鹽半茶匙、糖1茶匙、生粉1茶匙、麻油少許、紹酒少許

調味: Jimmy's 沙爹醬1.5湯匙、豉油1湯匙、老抽半湯匙、糖1.5茶匙

做法: 雞斬件及洗淨後，落醃料醃1小時；薯仔和洋蔥去皮切件；

燒熱油鑊落雞件煎至有微微焦香後盛起；

倒去部份雞油，留少許雞油炒香蒜蓉、乾蔥絲、洋蔥和薯仔；

加雞件炒勻後，落調味和1碗水，炆煮至薯仔淋或汁濃便成。

(如發覺多汁可加少許生粉水埋芡汁架!)

~呢個牌子沙爹醬香而不辣，味道唔錯架，大家可以買嚟試下呀!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page