西洋菜咸鴨腎粟米紅蘿蔔豬腱湯

好耐冇煲過肉湯，

所以今日就買咗2大扎西洋菜($10有2扎)，

煲咗朱家例湯~西洋菜咸鴨腎粟米紅蘿蔔豬腱湯呀!

材料: 西洋菜2扎、粟米1條、紅蘿蔔1個、豬腱$55、咸鴨臂5個、

蜜棗4粒、南北杏適量、陳皮半個

做法: 西洋菜用鹽水洗2次，每次浸15分鐘；豬腱出水備用；

粟米和紅蘿蔔去皮切件；咸鴨腎、蜜棗和南北杏清洗備用；

陳皮浸軟去囊後，放入鍋內加12碗水一齊煮滾後，

將所有材料放入煲內用大火煲滾後轉細火，煲1.5小時後，

撈起咸鴨腎切片後再放入煲內煲多30分鐘，

最後加鹽調味便成。

溫馨提示: 

~ 記得要水滾後先好加西洋菜，咁先唔會有苦味架；

~陳皮就必需要凍水落呀!

~ 落豬腱肉或瘦肉煲西洋菜湯，避免食西洋菜時咬到碎骨。

     

大家可以入嚟Facebook讚下我新開嘅Fans專頁呀!

 

 雀后(添飯)Facebook Fan Page