炸腰果&炸蝦片

今日開油鑊炸腰果&炸蝦片，

炸咗1斤半腰果，

預咗部份腰果送俾姐姐，

答謝佢聖誕時織咗條頸巾俾我呀!

炸腰果

材料: 腰果一斤半、鹽半茶匙

做法: 燒熱水加半茶匙鹽，將腰果出水1-2分鐘後瀝乾水份，用廚紙抹乾；

開中細火落油，凍油落腰果，當油滾後要用鑊鏟不停翻轉腰果，

直至腰果炸至金黃色，最後轉大火炸多10-15秒，

即撈起腰果待涼加少許鹽入樽。

~想知炸熟未，我會間中攞粒腰果嚟試下架!

炸蝦片

做法: 燒滾油，落蝦片，等佢浮起即大湯勺或鑊鏟壓平蝦片，

反覆炸兩面後，撈起用抹手紙索油，食唔哂用密實袋裝住就得!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page