素湯~印度椰子海底椰栗子馬蹄粟米紅蘿蔔湯

由於Omicron病毒已經入侵香港社區，

所以我哋又要過晚上冇得出街食飯嘅日子；

平日週末，

大小魔怪好少係屋企食飯，

今日兩個就好乖留係屋企，

咁我就拿拿臨煲啖素湯俾大家飲啦!

今次好足料，

買咗2個印度椰子嚟煲湯，

啖湯好香椰子味，

好正架!

呢個湯有止咳潤肺，滋陰清燥熱等功效呀!

材料: 印度椰子2個、海底椰乾1兩、紅蘿蔔1個、馬蹄15粒、

粟米1條、栗子半磅、南北杏1湯匙

做法: 印度椰子洗淨切條；海底椰乾沖洗備用；南北杏沖水備用；

紅蘿蔔去皮切件；馬蹄去皮；栗子去殼去衣；粟米去皮切件；

將所有材料放入煲內加入12碗水，用中大火煮滾後，轉小火慢慢煲1.5小時，

最後落鹽調味便成。

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page