紅燒元蹄肉

今日見到肉檔有斬咗件嘅元蹄肉賣，

整紅燒肉就最啱喇!

揀咗件冇咩肥膏瘦肉多多嘅元蹄肉，

雖然瘦肉部份有少少"鞋"口，

但老公話"鞋"有"鞋"好食喎!

而我就揀咗唯一有少少肥肉嘅豬皮食，

好滑好好食呀!

材料: 元蹄肉$60、薑8片、八角2粒、桂皮少許、紹酒

調味: 蠔油1湯匙、豉油1湯匙、老抽2湯匙、冰糖2大粒、熱水5碗

做法: 將元蹄肉洗淨後放入鍋內，加入水、薑4片和紹酒1湯匙，

水煮滾後出水8分鐘，取出元蹄肉洗淨後備用；

凍鍋落油將元蹄肉略煎兩面後，加薑4片、桂皮、八角和贊紹酒1湯匙，

落調味和熱水5碗煮滾後，轉小火炆煮1小時30分鐘，

熄火後唔好開蓋焗至飯前再炆多1小時或至汁濃便成。

~記得中途要反轉元蹄肉(幾次)，等元蹄肉可以更加上色呀!

~我個人覺得炆元蹄肉係要肥肥哋先好食呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page