之前我上網想book期打第三針疫苗，
點知起碼最少要排到2月中先有位，
聽朋友話仲有排隊起碼2~3個鐘先打到針呀!
攪到我心大心細，
唔知打唔打好呀!
今朝去食早餐時，
見到商場醫務所有人排隊攞籌打疫苗；
當我食完早餐後，
就走入去醫務所碰碰運氣，
睇下仲有冇籌，
就係咁我已經打咗第三針疫苗喇!
晚上炆咗碟豆醬支竹炆腩排和炒菜芯，
簡簡單單又一餐。
材料: 腩排$65、支竹(3條)、薑2片、紹酒少許
醃料: 豉油1湯匙、鹽半茶匙、糖1茶匙、生粉1茶匙、麻油少許
調味: 黃豆醬(麵豉醬)1湯匙、冰糖粒適量、豉油半湯匙、老抽少許
做法: 腩排洗淨後用廚紙索乾水份，落醃料醃30分鐘；支竹浸軟剪段；
燒熱鍋落少許油，落腩排和薑2片先爆香後贊紹油炒勻，
加調味和熱水1.5碗煮滾後，轉小火慢慢炆煮30分鐘，
加支竹繼續炆多15分鐘後，最後落生粉水埋芡汁便成。
大家可以入嚟Facebook讚下我新開嘅Fans專頁呀!
D 支竹一定好好味....吸收晒日月精華呀! 哈哈哈~
回覆刪除支竹係呢個餸嘅靈魂嚟架!
刪除請教一下哪款支竹好, 買炸的還是打邊爐的?
回覆刪除我買冇炸過的乾支竹，用嚟炆唔易散開呀!
刪除你好, 最近係你BLOG參考煮咩餸, 唔洗諗到頭都爆, 我煮餸唔叻, 希望你POST多D簡單又好味既菜式~
回覆刪除多謝支持呀! ^.^
刪除