自製素泡菜

 

大魔怪噚日食完塊韓國雜菜粟米煎餅(素)後，

佢話想食泡菜喎，

不過街外買嘅泡菜係落魚露醃製的，

要搵到啱哂大魔怪呢位素食人士食嘅泡菜，

我唯有嘗試自己整啦!

材料: 大旺菜半個、甘筍1條、蒜蓉1湯匙、炒香白芝麻

調味: 韓國辣椒醬3~4湯匙、糖3茶匙、鹽1茶匙、豉油1湯匙、麻油適量

做法: 將大旺菜切件，灑鹽2茶匙撈勻靜待1小時；甘筍去皮切絲；

用熟涼水沖洗旺菜後灑乾水份；

準備一個大盆，將大旺菜、甘筍絲、蒜蓉和調味撈勻後，

放入雪櫃雪隔夜；食時取出泡菜，灑少許炒香芝麻係面便成。

~每款韓國辣椒醬辣味、咸味都唔同，所以調味時記得要自行調配呀!

~我哋試食時只雪了1小時，大魔怪話味道都幾好，

有少少辣，泡菜脆脆的，拌飯一齊食都唔錯架!

  

大家可以入嚟Facebook讚下我新開嘅Fans專頁呀!
 

 雀后(添飯)Facebook Fan Page