家鄉煎薄罉

我突然好想食薄罉，

拿拿臨買齊材料開工啦喂!

麵粉、糯米粉、蝦米、菜脯、蔥粒，

簡簡單單攪好個粉漿落油鑊煎熟就得；

今日煎咗2個薄罉試下味道，

下次就可以煎多少少架啦!

食落裡面軟軟糯糯，

邊位就香香脆脆，

好有酒樓feel呀!

材料: 麵粉50g、糯米粉50g、蝦米仔適量、甜菜脯適量、

蔥花適量、水150~160g

調味: 鹽半茶匙、胡椒粉少許、油大半湯匙

做法: 首先將蝦米仔和菜脯浸軟，菜脯切粒碎；

燒熱油鑊落蝦米和菜脯先炒香備用；

將麵粉、糯米粉和水撈勻至冇粉粒(落水時分2~3次落)，

視乎粉漿濃稠度(唔好太杰或太稀)，落炒香蝦米菜脯、蔥花和調味攪勻；

燒熱鑊落多少少油，攪一攪D粉漿後，倒入一半粉漿，

先煎至一面金黃色後，反轉煎另一面便成。

~今次我冇落雞蛋，下次可以加埋落去整個粉漿，

咁落水時要注意減少份量啦!

~煎到薄罉定型後，沿鑊邊加油，咁個邊位就會有脆脆口感架啦!

大家可以入嚟Facebook讚下我新開嘅Fans專頁呀!

雀后(添飯)Facebook Fan Page