韭菜芯炒吊片肉絲虎蝦乾

虎蝦乾係流浮山買，

超大隻超鮮甜，

我姐姐推介俾我哋食呀!

記得老公初初反對我買架，

好彩我冇理佢咋!

今次炒呢碟韭菜芯炒吊片肉絲虎蝦乾，

浸咗幾隻虎蝦乾嚟炒，

老公食過話原來虎蝦乾咁好食，

真係冇買錯呀!

材料: 韭菜花$15、梅頭豬肉$25、虎蝦乾6隻、吊片仔3隻(魷魚乾)、

蒜蓉、紹酒少許

醃料: 豉油1茶匙、鹽少許、糖半茶匙、生粉少許、麻油少許

調味: 蠔油半湯匙、豉油半湯匙

做法: 吊片和虎蝦乾浸軟，吊片去硬物後切條備用；

韭菜花切段；梅頭豬肉切絲，落醃料醃30分鐘；

燒熱油鑊落豬肉絲炒至8成熟後，落蒜蓉、虎蝦乾和魷魚後，

贊少許紹酒炒勻，加調味和水3~4湯匙煮至肉熟後，

落韭菜花炒至斷生後便成。

 

大家可以入嚟Facebook讚下我新開嘅Fans專頁呀!

雀后(添飯)Facebook Fan Page