雀后~歡迎!歡迎蒞臨朱家天地!

唔想再食了無新意的家常菜？唔知外面的餐廳有無用地溝油？覺得下廚好難、好麻煩？定係，根本無時間下廚？無論如何，自己親手烹調的最健康、最美味同安全﹗ 幸福可以好簡單，為自己的家人洗手作羹湯，雖然平凡，卻絕對是人間美味。平凡的食材、用簡單步驟，就能令你同家人一齊感受舌尖上的幸福﹗ 雀后，自問只是一名平凡的家庭主婦，然而她每天都會用心經營，為家人送上最暖的心意，煮出一道道幸福美味。自從大小魔怪出生後，雀后從不假手於人，一家大小的飲食都是她一手包辦，由買餸醃肉到落手落腳煮，都親力親為，務求家人食得健康，食得開心﹗

2022年8月5日星期五

青瓜雲耳炒肉片

老公鐘意食呢款水果青瓜，

佢話呢款青瓜好爽口，

今日就用佢嚟整青瓜雲耳炒肉片呀!

快靚正，

好快有飯食架啦!

材料: 水果青瓜1條、梅頭豬肉$30、雲耳適量、蒜蓉

醃料: 豉油1湯匙、鹽少許、糖1茶匙、生粉1茶匙、麻油少許

調味: 蠔油1湯匙、水4湯匙

做法: 梅頭豬肉切片後，落醃料醃30分鐘；雲耳浸軟去硬蒂；

青瓜去部份皮和瓜囊後切片；燒熱油鑊先將豬肉片略煎兩面後，

落蒜蓉、雲耳和調味先煮熟肉，加入青瓜快炒，加蓋煮多1分鐘便成。