2022年8月6日 星期六

芥菜咸蛋蝦乾咸排骨煲


前日買咗排骨諗住買嚟煲粥食,

點知老公話想食飯喎!

排骨已經醃咸咗,

點算好???

所以今日買咗芥菜返嚟整咗呢個煲仔菜喇!

芥菜咸蛋蝦乾咸排骨煲,

滾埋一大鍋,

下火靚湯水,

好飲架!




材料: 大芥菜2棵、唐排$60、蝦乾十二隻、咸蛋1隻、薑6塊、紹酒

做法: 將唐排、薑3片和紹酒出水後沖洗乾淨,加1茶匙鹽醃隔夜;

芥菜洗淨後莖和葉分開切段;蝦乾浸15分鐘;

煮滾6碗水,加唐排、薑3片和蝦乾煲滾,轉小火慢慢煲45分鐘;

落芥菜莖和咸蛋黃煮10分鐘(唔需要加蓋),再落
芥菜葉滾多2~3分鐘,

最後加入咸蛋白和按個人口味加鹽調味便成。

~將煲好嘅咸蛋黃壓碎,半溶係湯裡面,好鬼正架!


芥菜的營養分析

芥菜含有維生素A、B族維生素、維生素C和維生素D很豐富。具體功效有提神醒腦,芥菜含有大量的抗壞血酸,是活性很強的還原物質,參與機體重要的氧化還原過程,能增加大腦中氧含量,激發大腦對氧的利用,有提神醒腦,解除疲勞的作用。其次還有解毒消腫之功,能抗感染和預防疾病的發生,抑制細菌毒素的毒性,促進傷口癒合,可用來輔助治療感染性疾病。還有開胃消食的作用,因為芥菜腌制後有一種特殊鮮味和香味,能促進胃、腸消化功能,增進食慾,可用來開胃,幫助消化。最後還能明目利膈、寬腸通便,是因芥菜組織較粗硬、含有胡蘿卜素和大量食用纖維素,故有明目與寬腸通便的作用,可作為眼科患者的食療佳品,還可防治便秘,尤宜於老年人及習慣性秘者食用。


 

  
大家可以入嚟Facebook讚下我新開嘅Fans專頁呀! 

4 則留言 :

如果大家覺得我煮嘅餸菜啱哂口味嘅話,不妨留個言,鼓勵下我啦!