蒜泥白肉

今日全日都落緊毛毛雨，

冇太陽兼周圍濕濕淋淋，

攪到我都冇咩煮意添!

求求其其買條豬腩肉返屋企，

烚熟佢嚟整蒜泥白肉，

簡單又好味道架!

材料: 有皮腩肉1條、薑3片、蒜頭3粒(剁碎)、蔥粒、紹酒1湯匙、辣椒仔2隻

調味: 豉油大半湯匙、蠔油半湯匙、鎮江醋3茶匙、糖2茶匙、

麻辣花椒油適量、麻油少許、滾油適量

做法: 將豬腩肉沖洗乾淨後切半，

凍水落鍋加入豬腩肉、鹽1茶匙、薑2片和紹酒1湯匙，

煮滾後轉中小火煮40分鐘熄火，不用開蓋焗15-20分鐘；

取出腩肉洗淨浸凍滾水10分鐘後切片；

將蒜蓉、辣椒仔、蔥粒和調味混合攪勻，放在切好的腩肉旁伴食。

~調味方便，可按個人口味自己調配呀!

~成舊豬腩肉，切出嚟唔齊嘅豬肉碎，集埋集埋都唔少，

我將D豬腩肉切碎嚟點麻辣汁，一樣咁好味道架!

 

大家可以入嚟Facebook讚下我新開嘅Fans專頁呀!  

雀后(添飯)Facebook Fan Page