呢排係facebook成日單出我哋去旅行嘅相片，
非常懷念係韓國食過嘅燒肉照；
見冰箱仲有條豬腩肉，
我都要整碟燒肉食下先得。
材料: 豬腩肉1條、黑椒碎
醃料: 鹽3/4茶匙、五香粉適量、紹酒1茶匙
做法: 豬腩肉解凍後，用廚紙索乾水份，落醃料搽勻整豬腩肉，
不需包保鮮紙放入雪櫃雪8小時或隔夜；
從雪櫃取出豬腩肉放室溫1小時；
燒熱易潔鑊落3~4滴油(少少好啦)，先將豬腩肉有皮位置煎至有少少焦香；
再平放煎豬腩肉兩面，可加鍋蓋焗住佢嚟煎；
煎至豬腩肉兩面有焦香後，取出豬腩肉切片(腩肉未必全熟透)；
倒去鑊內全部嘅油，再放豬腩肉片煎至兩面焦香(迫出豬油)，
最後灑少少黑椒碎係面再煎十數秒便成。
好美味
回覆刪除咸咸香香都幾正架!
刪除哈哈！ 哈哈！ 我都 share 左比阿表睇條片。佢已經訂左個煎pan， 我話我會訂肉同佢哋玩。 不過要lockdown 解封之後。
回覆刪除如果有個爐好似韓國咁燒嚟食就更加正啦!
刪除