返惠州買梅菜

其實我哋見裝修嘉湖間屋咁耐都冇返惠州睇下，

所以咪俾個藉口自己話返去買梅菜囉!

我哋返到屋企冇耐，

剛剛打掃好間屋，

姪仔佢哋幾個人已經過到嚟，

齊腳緊係開枱啦!

打到6點左右就去食晚飯。

呢度10人食咗400蚊人仔，

好似貴咗少少喎!

食完飯，

朋友興起話唱K，

不過佢哋唱K好健康，

唔飲酒，

飲滾水!

但為咗我哋，

都破例叫咗半打啤酒俾我哋解渴。

唱完K仲有下場架!

就係去飲豬肉湯啦!

今次我唔飲豬肉湯，

我飲原個椰子燉雞，

鮮甜好味道，

我鐘意食呀!

星期六一早又話要去飲早茶，

食飽飽後又出動shopping呀!

Post出嚟嘅係小部份，

仲有好多嘢冇影相添呀!

晚餐又係出街食，

今次我哋幫襯係附近嘅小店，

行唔使5分鐘就到，

好方便。

唔講得笑，

呢餐真係超級抵食，

7餸1湯，

白飯任裝，

都係食咗238蚊人仔咋!

星期日早上，

我哋去咗附近市埸買嘢，

唔知係咪惠州甜梅菜出名呢???

親戚幫我搵咗好耐都買唔到，

終於俾我係間雜貨小舖見到有得賣，

即刻好豪咁叫人幫我全部包起佢呀!

呢次真係買咗好多嘢，

我同老公每人拉咗一架車仔先可以搬哂D嘢返嚟呀!

 

大家可以入嚟Facebook讚下我新開嘅Fans專頁呀! 

雀后(添飯)Facebook Fan Page